Mae Abertawe’n dathlu 50 mlynedd fel dinas yn 2019, dewch i ddathlu.
Rydym am ddathlu’r bobl, y lleoedd, y digwyddiadau a’r busnesau sydd wedi cyfrannu at hanes Abertawe, yn enwedig yn ystod y 50 mlynedd diwethaf.
Rydym am edrych ymlaen hefyd at y datblygiadau cyffrous arfaethedig ar gyfer dyfodol y ddinas.
Trefnwyd rhaglen enfawr o ddigwyddiadau a gweithgareddau i ddathlu 50 mlynedd Abertawe fel dinas eisoes a gallwch drefnu a chynnal eich dathliadau eich hunain hefyd.
Gallech drefnu parti stryd. Gallech drefnu cyngerdd. Defnyddiwch eich doniau creadigol.
Rhowch wybod i ni am yr hyn rydych yn ei wneud a gallwn ei hysbysebu ar ein gwefan ac ar gyfryngau cymdeithasol.
Mae ein logo 50 arbennig ar gael at eich defnydd. Os ydych yn trefnu digwyddiad neu’n cynnal busnes, gallwch ychwanegu’r logo at eich gwefan, eich e-byst, eich cyfryngau cymdeithasol, eich posteri, eich taflenni a’ch baneri.
Lledaenwch y neges, a dewch i ddathlu.
